0 
0 
રાજકોટમાં જન્માષ્ટમીના પાવન પર્વ નિમિત્તે યોજાતા લોકમેળાનો ધમધમાટ શરૂ થઇ ગયો છે. આ મેળાને માણવા માટે રાજ્યભરમાંથી મોટી સંખ્યામાં લોકો ઉમટી પડે છે. આ વર્ષે પણ મેળામાં મોટી ભીડ જામશે તેવી અપેક્ષા છે. આ મેળામાં કોઈ અનિચ્છનીય ઘટના ન બને તે માટે આયોજકો અને પોલીસ તંત્ર દ્વારા ચુસ્ત સુરક્ષા વ્યવસ્થા ગોઠવવામાં આવી છે. આ સુરક્ષા વ્યવસ્થામાં લોકોને કોઈ પરેશાની ન થાય તે માટે ખાસ ધ્યાન રાખવામાં આવ્યું છે. મેળામાં આવતા દરેક લોકો સુરક્ષિત વાતાવરણમાં ઉત્સવની મજા માણી શકે તે માટે તંત્ર સંપૂર્ણ રીતે સજ્જ છે.
લોકોની સુરક્ષા માટે મેળાના સ્થળે 18 વોચ ટાવર ઉભા કરવામાં આવ્યા છે, જેમાંથી મેળાની દરેક ગતિવિધિઓ પર નજર રાખવામાં આવશે. આ ઉપરાંત, 76 CCTV કેમેરા પર લગાવવામાં આવ્યા છે, જેના દ્વારા સમગ્ર મેળાનું નિરીક્ષણ એક ખાસ કંટ્રોલ રૂમમાંથી કરવામાં આવશે. મેળામાં પ્રવેશ અને બહાર નીકળવા માટે 4 એન્ટ્રી ગેટ અને 4 ઈમરજન્સી ગેટ તૈયાર કરાયા છે. કોઈ પણ દુર્ઘટનાને રોકવા માટે હોલ્ડિંગ પોઈન્ટ પણ ઉભા કરવામાં આવ્યા છે. મહિલાઓની સુરક્ષાને ધ્યાનમાં રાખીને ખાસ એન્ટી રોમિયો સ્ક્વોડ પણ કાર્યરત રહેશે.
લોકમેળામાં કોઈપણ પ્રકારની અરાજકતા ન ફેલાય તે માટે જવાનો અને ઉચ્ચ અધિકારીઓ રાઉન્ડ ધ ક્લોક ડ્યુટી પર તૈનાત રહેશે. આખો દિવસ અને રાત સુરક્ષાકર્મીઓ મેળાના દરેક ખૂણા પર નજર રાખશે. મેળામાં આવતા લોકોને કોઈ પણ મુશ્કેલી પડે તો તેઓ તુરંત સુરક્ષાકર્મીઓનો સંપર્ક કરી શકશે. આ ચુસ્ત સુરક્ષા વ્યવસ્થાને કારણે રાજકોટનો આ જન્માષ્ટમીનો લોકમેળો લોકો માટે સુરક્ષિત અને આનંદદાયક અનુભવ બની રહેશે.
Editor & Chief – VIMAL PARMAR (PrimeNetworkNews)
About the Author
