0 
0 
સુરતનાં ઉધના વિસ્તારમાં રૂપિયા 1500 કરોડનાં આંતરરાષ્ટ્રીય સાઇબર ફ્રોડ કેસમાં ઉધના પોલીસને મોટી સફળતા મળી છે. આ કેસમાં પોલીસે RBL બેંકનાં મેનેજર સહિત 8 અધિકારી-કર્મચારીની ધરપકડ કરી છે. મોનિટરી બેનિફિટ લઈ આરોપીઓ દ્વારા કરંટ અને સેવિંગ્સ એકાઉન્ટ ખોલવામાં આવ્યા હોવાનો ઘટસ્ફોટ થયો છે. આરોપીઓને 50 હજારથી 2 લાખ સુધીનું કમિશન મળતું હોવાનું પણ જાણવા મળ્યું છે. હાલ, આ મામલે પોલીસે આરોપીઓની વધુ પૂછપરછ હાથ ધરી છે. આ કેસમાં અત્યાર સુધીમાં 12 આરોપીઓ ઝડપાયા છે.
સુરતનાં (Surat) ઉધના વિસ્તારમાં રૂપિયા 1500 કરોડનાં આંતરરાષ્ટ્રીય સાઇબર ફ્રોડ કેસમાં ઉધના પોલીસે વધુ 8 આરોપીઓની ધરપકડ કરી છે. માહિતી અનુસાર, આ આરોપીઓમાં RBL બેંકનો મેનેજર, અધિકારીઓ-કર્મચારીઓ સામેલ છે. ઉઘના પોલીસે RBL બેન્કના એરિયા હેડ અમિત ગુપ્તા, SDM અરુણ બાલુભાઈ ઘોઘારી, નેન્સી ગોટી, નરેશ માણાની, કલ્પેશ કથીરિયા, અશોક ધાડિયા અને અનિલ જાનીનીની ધરપકડ કરાઈ છે. પોલીસ તપાસ અનુસાર, બેંક અધિકારીઓને આરોપીઓ જે સેટઅપ બનાવતા હતા તેની માહિતી હતી. બેંકનાં અધિકારીઓ-કર્મચારીઓ મોનિટરી બેનિફિટ લઈને કરંટ એકાઉન્ટ ખોલાવી આપતા હતા. કોઈ ક્વેરી આવે તો આરોપીઓને યોગ્ય માર્ગદર્શન પણ આપતા હતા.
બેંક અધિકારી-કર્મચારીઓને 50 હજારથી 2 લાખ સુધીનું કમિશન પણ મળતું હતું. આ કેસમાં પ્રથમ 164 બેંક એકાઉન્ટ પોલીસને મળી આવ્યા હતા. આ એકાઉન્ટ સામે NCR પોર્ટલ પર દેશભરમાંથી 2500 જેટલી ફરિયાદો પણ મળી આવી છે. અત્યાર સુધીની તપાસમાં 1550 કરોડના આર્થિક વ્યવહારો મળી આવ્યા છે. બેંક અધિકારીઓ અને અગાઉનાં આરોપીઓ વચ્ચે થયેલી વોટ્સએપ ચેટ પણ પોલીસને મળી આવી છે. હમણાં સુધીની તપાસમાં કુલ 12 આરોપીઓની ધરપકડ કરાઈ છે. આ કેસના તાર અન્ય દેશો સાથે જોડાયેલ હોવાની પણ પ્રબળ શક્યતાઓ છે.
Editor & Chief – VIMAL PARMAR (PrimeNetworkNews)
About the Author
